គ្រូបណ្តុះបណ្តាលរបស់យើង

អំពីគ្រូបណ្តុះបណ្តាលរបស់យើង

 លោក ប៊្រូណូ ខាដូនេ  ប្រធានគ្រូបណ្តុះបណ្តាល                                                                            

chef-bruno-cardone

ចុងភៅ ប៊្រូណូ ខាដូនេ បានចាប់ផ្តើមអាជីពផ្នែកបដិសណ្ឋារកិច្ចរបស់គាត់នៅសាលាគ្រប់គ្រងសណ្ឋារគារដែលមានកេរ៌្តឈ្មោះមួយមានឈ្មោះថា ឡេរូច ហើយទីនោះផងដែរ ក៌ជាកន្លែងដែលគាត់បានបញ្វប់ការសិក្សាថា្នក់សញ្ញាប័ត្រជាន់ខ្ពស់ផ្នែកប្រត្តិបត្តិការសណ្ឋារគារ និង បរិញ្ញាបត្រផ្នែកគ្រប់គ្រងពាណិជ្ជកម្ម។ បន្ទាប់ពីបញ្ចប់ការសិក្សា ចុងភៅខាដូនេ បានសម្រេចចិត្តប្រឡូកចូលក្នងវិស័យម្ហូបអាហារ ក្នុងនាមជាចុងភៅជំនាញមួយរយះ និង ក្រោយមកទៀត គាត់បានបន្តការសិក្សា ផ្នែកម្ហូបអាហារ នៅសកលវិទ្យាល័យហាវៃ សហរដ្ឋអាមេរិច។ ក្នុងការសិក្សានៅទីនោះ គាត់តម្រូវឲ្យបញ្ចប់វិញ្ញាបនបត្រមួយទាក់ទងនឹង “ការបង្រៀន និង ការរៀនសូត្រនៅក្នុងការអប់រំថ្នាក់ខ្ពស់់់់់់” ទើបគាត់អាចបន្តមុខវិជ្ជាដទៃទៀតបាន។ ក្រោយពីបញ្ចប់ការសិក្សា ប្រ៊ូណូ បានចាប់ផ្តើមអាជីពការងារដើម្បីពង្រឹងនូវជំនាញរបស់គាត់ ដោយចាប់ផ្តើមពី ជំនួយការចុងភៅនៅ សណ្ឋារគារ ហាយ អេន ហ្វ័រ ស៊ីសិន ហូឡាឡៃក្នុងរដ្ខហាវៃ សហរដ្ឋអាមេរិច បន្ទាប់មកទៀតគាត់ក៏ធ្វើការនៅជាច្រើនកន្លែងរាប់តាំងពីអាហារដ្ឋាន និង ភោជនីយដ្ឋាន។ ជាមួយនឹងបទពិសោធជាច្រើន គាត់ត្រូវបានទទួលឲ្យចូលបម្រើការងារជាគ្រូបណ្តុះបណ្តាល នៅវិទ្យាស្ថានម្ហូបអាហារនៅ ចូរដាន និង ក្រោយមកទៀយគាត់ត្រូវបានតម្លើងតំណែងជាគ្រូបណ្តុះបណ្តាលជាន់ខ្ពស់ ហើយបន្តមកទៀតគាត់បានក្លាយជា ប្រធានផ្នែកប្រតិបត្តិការរបស់សាលា។ បច្ចុប្បន្ន ចុងភៅ ខាដូនេ បានចូលរួមជាមួយវិទ្យាស្ថានម្ហូបអាហារកម្ពុជា ក្នុងនាមជាប្រធានផ្នែកគ្រូបណ្តុបណ្តាល ក្នុងការផ្តល់នូវចំណេះដឹង នឹង បទពិសោធជាច្រើន ដល់គ្រូ និង សិស្សរបស់វិទ្យាស្ថានតាមរយះចំណេះដឹងដ៏ច្រើនរបស់គាត់។

 

កញ្ញា ខាមែន ដឺអែតដេអូ

chef-carmen-daddeo-1ដើមកំណើតជនជាតិអ៊ីតាលីចុងភៅខាមែន ដឺអែតដេអូ បានស្វែងរកឃើញនូវការស្រលាញ់និង ចំំនង់ចំនូលចិត្តពិតប្រាកដរបស់នាងគឺជាការសិក្សាជំនាញខាងដុតនំនិងធ្វើនំនៅសាលាលូកាមនធើស៊ីណូស្ខូឡាដែសាប៉ូរី(Luca Montersino Scuola dei Sapori)ក្នុងប្រទេសអ៊ីតាលី។ ក្រោយពីចំណាយពេលអស់រយះពេលបីឆ្នាំនាងក៏បានរៀនចប់ជំនាញនេះដោយជោគជ័យក្នុងឆ្នាំ២០០៩។ នាងបានក្លាយជាចុងភៅផ្នែកខាងដុតនំនិងធ្វើនំនេះអស់រយះពេលបួនឆ្នាំ នៅប៉ាស្ទីសឺរៀសាន់់ហ័រណ័ររេ(Pasticceria Saint Honorè)ជាកន្លែងដំបូងដែលផ្លាស់ប្តូរ អភិវឌ្ឍន៍ខ្លួននិង បានបង្កើនចំណេះដឹងជាច្រើនដល់នាង។បន្ទាប់មកទៀតនាងហោះមកកាន់តំបន់អាស៊ីដើម្បីបន្តនូវក្តីស្រម៉ៃរបស់នាង។ទីក្រុងសៀងហៃនៃប្រទេសចិនជាកន្លែងកាងារទីពីររបស់នាង នាងបានធ្វើជាចុងភៅនៅក្នុងភោជនីយដ្ធានមួយ។ដោយទទួលបានបទពិសោធន៍ថ្មីៗជាបន្តបន្ទាប់ នៅចន្លោះពីឆ្នាំ២០១៣ដល់២០១៨ចុងភៅខាមែនក៏បានបន្តកាងាររបស់នាងជាមួយសណ្ធាគារហ៊ីលតុន(Hotel-Hilton) នៅចុងសាននិងសណ្ធាគារឡឺមេរ័រដៀន(LeMéridien)នៅទីក្រុងសៀងហៃ។ក្រៅពីអាជីពជាចុងភៅខាងដុតនំនិងធ្វើនំនាងក៏ធ្លាប់ធ្វើជាអ្នកផ្តល់ប្រឹក្សានិងជាគ្រូបង្រៀនផងដែរ។នៅទីបំផុតនាពាក់កណ្តាលឆ្នាំ២០១៨នេះសែបខាមែនបានក្លាយជាសមាជិករបស់វិទ្យាស្ថានម្ហូបអាហារកម្ពុជាក្នុងនាមជាគ្រូបណ្តុះបណ្តាលមួយរូបផងដែរ។

លោក អូលីវីយេ ម៉ាទីល គ្រូបណ្តុះបណ្តាល

មុនពេលក្លាយខ្លួនជាចុងភៅមួយរូប លោក អូលីវីយេ ម៉ាទីល គឺជាគ្រូបង្រៀន និង អ្នកពិគ្រោះយោបល់នៅក្នុងវិស័យពាណិជ្ជកម្មអស់រយះពេល១៥ឆ្នាំមកហើយ។ នៅក្នុងអំឡុងពេលនោះ គាត់បានអភិវឌ្ឍជំនាញផ្នែកបច្ចេកទេស ទំនាក់ទំនង និង ការរៀបចំអង្គភាព ដែលជាហេតុធ្វើឱ្យគាត់មានបទពិសោធជាច្រើន និងមានគរុកោសល្យ និង យល់ពីវិធីសាស្រ្តក្នុងការចែករំលែកចំណេះដឹង និង វិធីសាស្រ្តក្នុងការអនុវត្តសម្រាប់ការរៀនសូត្រ និង ការប្រលងផ្សេងៗ។ ក្នុងនាមជាចុងភៅមួយរូប លោកអូលីវីយេ បានអភិវឌ្ឍអាជីពផែ្នកម្ហូបអាហារ និង ការបន្ថែមបទពិសោធលើជំនាញនេះតាមរយះការធ្វើការងារជាច្រើនកន្លែងដូចជា នៅប្រទេសបារាំង នៅលើកោះ និង ការិយាល័យសហព័ន្ឋបារាំង និង នៅមហាសមុទ្រឥណ្ឌា។ ចាប់តាំងពីឆ្នាំ២០១៣ គាត់បានបម្រើការងារជាអ្នកពិគ្រោះយោបល់នៅតាមស្ថាប័នជាច្រើននៅអាស៊ី ក្នុងនោះក៏មានការអង្កការហេហ្កាអន្តរជាតិនៅទីក្រុងភ្នំពេញផងដែរ។

 

ចុងភៅ ង៉ែត រើស ជាគ្រូបណ្តុះបណ្តាល

ngeth-roues-thumbnail

បន្ទាប់ពីបានបញ្ចប់ការសិក្សាផ្នែកអគ្គិសនី នៅខេត្តកំពត លោក ង៉ែត រើស បានសំរេចចិត្តផ្លាស់ប្តូរអាជីពរបស់ខ្លួន ដើម្បីអនុវត្តតាមចំណង់ចំណូលចិត្តពិតពោលគឺផ្នែកម្ហូបអាហារ និង ដុតនំ ដោយបានផ្លាស់ទីលំនៅទៅទីក្រុងប៉ារីស ប្រទេសបារាំង។  នៅទីនោះគាត់មាន ឱកាសសិក្សាការធ្វើនំនៅភោជនីយដ្ខានដ៏ល្បីមួយ ឈ្មោះ នៅ Boulangerie Mauvieux។  បន្ទាប់ពី បញ្ចប់ការសិក្សា  លោកបានអភិវឌ្ឍន៏ខ្លួន បន្ថែមទៀតាមរយៈ បំពេញវគ្គបណ្តុះបណ្តាលជាច្រើនដូចជា  Macarons’, ‘du Chocolat សិល្បៈ Glace និង sorbet ល និង ល ដើម្បីការរីកចម្រើនក្នុងអាជីពការងាររបស់គាត់។ នៅក្នុងឆ្នាំ ២០១២  លោក ង៉ែត រើស បានឈ្នះពានរង្វាន់ ប៉ាហ្កេត  Baguette ល្អបំផុតនៅក្នុងទីក្រុងដែលគាត់រស់នៅ ដែលនោះវាគឺជា ឱកាសពិសេសមួយនៅក្នុង អាជីព របស់គាត់ និង បង្កើនកេរ្តិ៍ឈ្មោះល្អ ប្រសើររបស់ ភោជនីយដ្ឋាន Boulangerie Mauvieux ។ ក្រោយមកទៀត លោក រើស បានសម្រេចចិត្តចាកចេញ ពី ទីក្រុងប៉ារីស ហើយ វិលត្រឡប់ មកកាន់ប្រទេសកម្ពុជា ជាស្រុកកំណើត របស់គាត់ និង បានចូលបំរើការនៅ ហាងនំល្បីល្បាញមួយឈ្មោះ អេរិចកៃ សឺ (Eric Kayser bakery) ។ បច្ចុប្បន្ននេះ  លោក រើស បាននឹងកំពុងចែករំលែកបទពិសោធ  ចំណេះដឹង ពិសេសៗ រួមទាំងទេពកោសល្យរបស់គាត់ជាមួយសិស្សនៅវិទ្យាស្ថាន ម្ហូបអាហារកម្ពុជា។

 

លោក ហេង រ៉ាឌី

chef-heng-radyចុងភៅសញ្ជាតិខ្មែរមួយរូបលោក ហេង រ៉ាឌី ក្រោយពីបញ្ចាប់់ការសិក្សាដោយជោគជ័យលើជំនាញចុងភៅអាជីពនៅសាលាប៉ូលដឺព្រូល (École d’Hôtellerie et de Tourisme Paul Dubrule) នាឆ្នាំ២០០៩លោកក៏បានបន្តមាគ៌ានៃក្តីស្រម៉ៃរបស់លោកដោយចូលបំរើកាងារនៅសណ្ធាគារលំដាប់ផ្កាយប្រាំមួយនៅខេត្តសៀមរាប នោះគឺ ប៉ែលម៉ិនឡារេស៊ីដិនដឺអង្គរ (Belmond la residence d’Angkor )។ បន្ទាប់់ពីបំពេញកាងារជាចុងភៅអស់រយះពេលបីឆ្នាំទទួលបានបទពិសោធន៍ល្មមគួរសមហើយលោកសែបបានសំរេចចិត្តចាកចោលមាតុភូមិកំំណើតដើម្បីស្វែងរកនូវអ្វីដែលថ្មីនិងរឹតតែអស្ចារ្យសំរាប់ជីវិតជាចុងភៅរបស់់លោក។ កោះសឺយឆែល (Seychelles islands) ដ៍ល្បីបំផុតនៃមហាសមុទ្រឥណ្ឌាគឺជាកន្លែងកាងារថ្មីរបស់លោក លោកបានធ្វើការនៅរីសតលំដាប់់មួយឈ្មោះថា ខនស្តែន ឡែមូរៀ (Constance Lemuria Resort)។ បន្ទាប់់មកទៀតលោកបានបន្តដំណើរជីវិតរបស់លោកទៅដល់ទីក្រុងដូហានៃប្រទេសខ្វាតាដោយលោកចូលបំរើកាងារនៅសណ្ធាគារលំដាប់់ផ្កាយប្រាំមួយឈ្មោះថា ខែមភីនស្គី រេស៊ីដែន (Kempinski Residences) ។ នៅទីនោះជាបណ្តុំអារ៉ាប់រួមលោកសែប ទទួលខុសត្រូវផ្នែកខាងម្ហូបឥណ្ឌានិង ម្ហូបអាស៊ី។ ប្រាំមួយឆ្នាំបានកន្លងផុតទៅបន្សល់នូវបទពិសោធន៍ជាច្រើន ព្រមជាមួយសមត្ថភាពដ៏អស្ចារ្យ បានជុំរុញទឹកចិត្តលោកសែបរបស់យើងអោយនឹកដល់់ទឹកដីកំំណើតរបស់ខ្លួនលោកក៏សំរេចចិត្តត្រលប់មកកម្ពុជាវិញនៅឆ្នាំ២០១៥។ តួនាទីថ្មីជាប្រធានផ្នែកចុងភៅនៅសណ្ធាគារតាម៉ា (Tama Hotel) ដែលមានទីតាំងនៅអាគារភ្នំពេញថាវ័រ និងនៅភោជនីយដ្ធានអាល់ជីមី ហ្កាសស្តូផាប់ (Alchemy Gastropub)។ បច្ចុប្បន្នលោកជាចុងភៅ និងជាគ្រូបណ្តុះបណ្តាលនៅវិទ្យាស្ថានម្ហូបអាហារកម្ពុជា។

ចុះឈ្មោះនៅថ្ងៃនេះដើម្បីចាប់ផ្តើមអាជីពរបស់អ្នកនៅក្នុងវីជ្ជាជីវៈនៃការចម្អិនម្ហូប

សូមដាក់ពាក្យឥឡូវនេះ